銷售、存貨、通知、Excel，一次過睇晒

格仔餅係一個幫格主（格仔鋪賣家）同店主嘅輔助工具。用返你平時登入 ONE-POS 嘅電郵同密碼就得，系統幫你自動同步銷售同存貨，主動通知你，仲可以一格格咁管理你嘅格仔。

唔再錯過

功能一覽

針對格仔鋪最痛嘅地方設計：表格填到悶、冇通知、報表難搞。

邊個格仔賣咗、賣咗幾多、貨架剩幾多，一眼睇晒。唔使逐格撳入去查。

用 Excel 一次過新增或修改多件貨品，又可以匯出銷售同存貨紀錄，唔使喺網頁逐行填。

有新銷售、大額交易、收鋪總結、甚至營業時間內冇銷售，都會傳通知去你嘅 Telegram 或瀏覽器。

揀格仔同貨品入貨，系統喺 ONE-POS 開張「管理單」直接入庫，仲有常用入庫範本。

店主睇到全店銷售、各格存貨、賣得最好、租務到期提醒，仲可以匯出全店表格。

搜尋店舖嘅格仔，租入或者放棄你租嘅格仔，一目了然。

填入你平時登入 ONE-POS 嘅電郵同密碼。系統會加密保管，只讀你自己帳戶嘅資料。

用 Telegram 或瀏覽器通知，撳個掣就綁好，唔使搵任何編號。

系統定時自動更新銷售同存貨，收鋪後自動發總結俾你。想匯出報表，撳一下就下載。

格仔餅而家招募 Beta 測試用戶。有興趣加入，用 WhatsApp 聯絡我哋，我哋會話你知點樣開通帳戶。

Francis Tse

Beta 期間免費試用，希望你用後畀意見，等我哋做得更好。